Description
ڈاکٹر کفیل خان گورکھپور، اتر پردیش میں پیدا ہوئے۔ کستوربا میڈیکل کالج، منی پال، کرناٹک سے پیڈیاٹرکس میں ایم بی بی ایس اور ایم ڈی کرنے کے بعد، انھوں نے گنگٹوک میں سکم منی پال انسٹی ٹیوٹ آف میڈیکل سائنسز میں اسسٹنٹ پروفیسر کے طور پر کام کیا۔ اس کے بعد وہ بابا راگھو داس میڈیکل کالج گورکھپور میں بطور لیکچرار مقرر ہوئے۔ ڈاکٹر کفیل خان اگست ۲۰۱۷ کے طبی بحران کے بعد سے، جب انھیں بی آر ڈی میڈیکل کالج کے نہرو اسپتال سے معطل کر دیا گیا تھا، اور پھر گورکھپور جیل سے رہائی کے بعد، اپنی ٹیم اور عام شہریوں کے تعاون سے ڈاکٹر کفیل خان مشن اسمائل فاؤنڈیشن کے بینر تلے کام کر رہے ہیں۔ انھوں نے صحت کی خدمات سے متعلق قانون سازی کا مطالبہ کرنے کے لیے ’ہیلتھ فار آل‘کے نام سے ایک مہم بھی شروع کی ہے اور ہندوستان کے اندرونی علاقوں میں مریضوں کو صحت کی خدمات فراہم کرنے کے لیے ’ڈاکٹرز آن روڈ‘کے نام سے ایک نئی مہم شروع کی ہے۔ جنوری ۲۰۲۰ میں، ڈاکٹر کفیل خان کو علی گڑھ مسلم یونیورسٹی میں ان کی مبینہ اشتعال انگیز تقریر کے لیے دوبارہ گرفتار کیا گیا اور قومی سلامتی ایکٹ (NSA) کے تحت ان پر الزامات عائد کیے گئے۔ بعد میں انھوں نے سات ماہ جیل میں گزارے۔یکم ستمبر 2020 کو الہ آباد ہائی کورٹ نے NSA کے تحت تمام الزامات کو خارج کر دیا تھا۔ ڈاکٹر کفیل خان کو ۹ ؍نومبر ۲۰۲۱ کو بی آر ڈی میڈیکل کالج نے برطرف کردیا تھا، اور دسمبر ۲۰۲۱ تک، ان کے خلاف مقدمات زیریں عدالتوں میں جاری رہے، حالانکہ ریاستی اور مرکزی حکومتوں کی تحقیقات میں ان کے خلاف کوئی طبی غفلت یا بدعنوانی کا کوئی ثبوت نہیں مل پایا ۔
Reviews
There are no reviews yet.